लुम्बिनी फ्रिडम मिडिया प्रा.लि द्वारा संचालित
संरचनामा सबै जुटे
मलाई अल्छी लाग्यो,
उनीहरूले वृद्धवृद्धाका लागि
आकाशमा रङ्गीन क्रीडास्थल
बनाउन खोजे
त्यसलाई कसैले महत्व दिएनन्
र, म केवल मूकदर्शक बनेँ
कहाँ हरायो मेरो जाँगर
उनीहरू जस्तो बाँच्न पनि
कहाँ हरायो मेरो चैतन्य ?
अलि पर देउरालीमा
फूलपाती चढाएर आउँदै गरेकी ती चेलीलाई
ईश्वर कहाँ छ ?’ भनेर सोधेँ
तिनले छाती देखाइन्
हिजोआज पशुपतिमा सोमबार
बेलपाती र धतुरोको फूल चढाउन पनि
मेरो फुर्सद हरायो
गणेशथानमा मङ्गलबार
दुबो र भेटी चढाउन पनि
मेरो जाँगर हरायो
यहाँ कसलाई चाकरी गर्नु ?
बोल्ने देवता त दर्शक बनेको ठाउँमा
यी अबोलाले हाम्रो रक्षाको
कुनै दृश्य देख्न सक्ला र ?
त्यसैले मैले जीवनमा
कसैको चाकरी गरिनँ
र, चाकरीको घिनलाग्दो
पाठ पनि पढिनँ ।
कमेन्ट गर्नुहोस्