लुम्बिनी फ्रिडम मिडिया प्रा.लि द्वारा संचालित
काठमाडौं । आज शुक्रबारबाट फिल्म ‘मैझारो’ देशव्यापी प्रदर्शनमा आएको छ । फ्राइडे रिलिजको परम्परा धन्दै प्रदर्शनमा आएका फिल्म कलाकार विल्सन विक्रम राई ‘तक्मे बुढा’ले निर्देशन गरेका हुन् । राईको यो निर्देशनमा डेब्यु फिल्म हो ।धीरज मगर, मिरुना मगर र दिया पुनलगायतका कलाकारको मुख्य अभिनय रहेको फिल्मले ८० बढी शो पाएको छ । त्रिकोणात्मक प्रेम सम्बन्धमा निर्माण भएको फिल्मले चलचित्र सेन्सर बोर्डबाट युनिभर्सल सटिर्फिकेट पाएको छ ।
२ घण्टा २१ मिनेटको तिहार र छठको छेकोमा रिलिज भएको हो ।फिल्म सुनील थापा, कविता आले, पुस्कर गुरुङ, अभयराज बराल, उदय सुब्बा, बुद्धि तामाङ, रजनी गुरुङ, विशाल लिम्बू र सुभाष सिंह ठकुरीलगायत कलाकारको पनि अभिनय रहेको छ ।फ्राइडे रिलिज ‘मैझारो’ एक्लै आए पनि फिल्मले देशभरको हल सबै पाएको छैन । किनभने हिजो (बिहीबार) तिहारको अवसर पारेर रिलिज भएका ‘बरिष्ठ बलराम’, ‘सेल्टिनी’को अलवा गत शुक्रबार रिलिज भएको फिल्म ‘जेरी अन टप’ले पनि थुप्रै शो कब्जा गरेका छन् ।
कमेन्ट गर्नुहोस्