तिलोत्तमा नगरमा मतदाता नामावलीमा नाम दर्ता गर्नेको घुईंचो

तिलोत्तमा सिटी,४ पौष २०७८। बसाईं सराई गरेर आउने बढ्दो तथ्यांक भएको रुपन्देहीको तिलोत्तमा नगरपालिकामा एकैदिनमा २ सय भन्दा बढीले आफ्नो नाम मतदाता नामावलीमा प्रविष्टि गरेका छन्।  ईलेक्ट्रोनिक प्रविधिमा आधारित सो नामावलीमा १८ वर्ष उमेर पुगेका नागरीकको फोटो सहित,  चोर र बुढी औलाको औठा छाप, आइरिस पनि ईलेक्ट्रोनिक लिने ब्यबस्था छ।  पौष ४ गतेदेखि १७ गतेसम्म सबै वार्डमा मतदाता नामावली संकलन गरिने गरि आईतबार नगरपालिका कार्यालयमा मतदाता नामावली संकलन भएको प्रशासन अधिकृत माधव प्रसाद पोख्रेलले बताउनुभयो।

पहिलो दिन नै नगरपालिका पुगेर झण्डै २ सय भन्दा बढीले  नया दर्ता र नाम अद्यावधिक गराएको स्थानिय निर्वाचन कार्यालयले जनाएको छ । स्थानीय तहको निर्वाचनका लागी मतदाता नामावली संकलन गर्दा छुटेका तथा परिचयपत्र नपाएकाहरुका लागी पुनः नामावली दर्ता सुरु गरिएको हो । रुपन्देही जिल्लाका सबै १६ वटै स्थानीय तहबाटै फोटो सहितको मतदाता नामावली संकलन समेत शुरु भएको छ । विदेशमा रहेका कारण यसअघि मतदाता नामावलीमा नाम समावेश नगराएका, उमेर पुगेका, विविध कारणले छुटेकाहरुले यसपटक आफ्नो नाम लेखाउन सक्ने जिल्ला निर्वाचन कार्यालय रुपन्देहीले जनाएको छ ।