लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी,१५ कार्तिक २०७८। रुपन्देहीको तिलोत्तमामा कार अनियन्त्रित भई बुद्धको मूर्तिमा ठोक्किएको छ । बुटवलबाट भैरहवातर्फ जाँदै गरेको बा १५ च ८५३७ नम्बरको कार सोमबार बिहान तिलोत्तमा नगरपालिका-१५ कोटिहवामा अनियन्त्रित भई डिभाइडरमा चढेर बुद्धको मूर्तिमा समेत ठोक्किन पुगेको थियो । जिल्ला ट्राफिक प्रहरी कार्यालय रुपन्देहीका अनुसार दुर्घटनाबाट बुद्धमूर्ति क्षत–विक्षत भएको छ भने कारमा पनि क्षति पुगेको छ । दुर्घटनामा परी कारका चालक ओमसतिया गाउँपालिका-१ का ४३ वर्षीय प्रकाश बुढाथोकी घाइते भएका छन् । बुढाथोकीको मेडिकल कलेज भैरहवामा उपचार भइरहेको प्रहरीले जनाएको छ । बुढाथोकीको अवस्था सामान्य रहेको प्रहरीले जनाएको छ।
कमेन्ट गर्नुहोस्