लुम्बिनी फ्रिडम मिडिया प्रा.लि द्वारा संचालित
काठमाडौं– अर्थमन्त्री डा. युवराज खतिवडाले कोभिड–१९ संक्रमणको अवस्था हेरेर लकडाउन खुकुलो बनाउन सकिने बताएका छन्।
आइतबार नेपाल चेम्बर अफ कमर्शको ज्ञापनपत्र बुझ्दै मन्त्री खतिवडाले जोखिमको अवस्था हेरेर भौगोलिक क्षेत्रका आधारमा लकडाउन खुकुलो बनाउन गृहकार्य भइरहेको बताएका हुन्।
खतिवडाले राहत किनेर खाना नसक्नेहरूका लागि भएको भन्दै सक्नेले किनेर खाना आग्रह पनि गरेका छन्।
उनले दैनिक ज्यालादारी गर्ने मजदुरलाई मात्रै राहतको लाइनमा बसिदन आग्रह गरे। खतिवडाले भने, –“किनेर खाना सक्नेहरू पनि राहतको लाइनमा बस्दा वास्तविक पीडितलाई समस्या भएको छ। मासिक तलब खानेहरू राहत लिन नगइदिनुस्।”
खतिवडाले मानिस रोगले मात्रै नभएर भोकले पनि मर्ने सरकारलाई राम्रोसँग जानकारी भएको बताएका छन्।
उनले मानिस भोकै नमरुन् भनेर सरकारले आपूर्तिको उचित व्यवस्थापन गरेको बताए।
मन्त्री खतिवडाले नेपालमै रोजगारीको वातावरण बनाउन सरकार लागिपरेको र निजी क्षेत्रको लागि दीर्घकालीन राहतको प्याकेज बजेटमार्फत् ल्याउने घोषणा पनि गरे।
कमेन्ट गर्नुहोस्