रुपन्देहीका पांच क्षेत्रमा निर्वाचन गराउने जिम्मा महिला निर्वाचन अधिकृतलाई

तिलोत्तमा। आगामी फागुन २१ गतेका लागि निर्धारित प्रतिनिधिसभा सदस्यको निर्वाचनको तयारी अन्तिम चरणमा पुगेको छ । निर्वाचन घोषणा भएयता निर्वाचन हुने वा नहुने आशंकाका बीचबाट सुरु भएको  निर्वाचनको तयारी अहिले सुनिश्चिततातर्फ अघि बढेको छ ।निर्वाचन गराउने कार्यादेश पाएको सरकारले यसलाई प्रमुख प्राथमिकताका साथ अगाडि बढाएको छ । जसका कारण अहिले मुलुक निर्वाचनमय बनेको छ । त्यसबाट सधैको चर्चा रहने रुपन्देही अछुतो रहने कुरै भएन ।

रुपन्देहीमा ५  वटा निर्वाचन क्षेत्र छन् । प्रत्येक निर्वाचन क्षेत्रमा उम्मेदवारहरुको मनोनयन र उम्मेदवारी पछि चर्चा विशेष रहन्छ । यसपटक पनि राजनीतिक दलहरु यी निर्वाचन क्षेत्रमा आफ्नो बलियो उपस्थिति कायम गर्न हरसम्भवले प्रयास गरिरहेका छन् । अझ जेनजी आन्दोलनका कारण हुन लागेको निर्वाचनले अझ विशेष बनेको छ । त्यसको जिम्मेवारी सरकारले महिला निर्वाचन अधिकृतको काँधमा सुम्पेको छ ।रुपन्देही जिल्ला निर्वाचन कार्यालयको जिम्मा अहिले अधिकृत कल्पना अर्यालले यसलाई सकारात्मक रुपमा लिनुपर्ने बताउँछिन् । 

“यहाँका अधिकांश कार्यालयको जिम्मेवारी सरकारले महिलालाई सुम्पेको छ, जुन विश्वास र भरोसाले जिम्मेवारी पाएका छौँ, हामीले इमानदारिताका साथ निभाएका छौँ”, उनले भनिन ।महिलाले अवसर पाउने हो भने जिम्मेवारीपूर्वक कर्तव्य पालना गर्ने प्रमुख निर्वाचन अधिकृत अर्याल बताउँछिन् । खासगरी बोलीमा मिठास र भावपूर्ण व्यवहार प्रस्तुत गर्नु महिला नेतृत्वको मौलिक गुण हो भन्ने अर्यालको धारणा छ । उनले महिला नेतृत्वप्रति अरूले गर्ने व्यवहार पनि सभ्य र शालीन हुने गरेको बताइन । उनी भन्छिन्, “रिसै उठेर आउनेहरु पनि महिलाका अगाडि आएपछि शान्त भइदिनुहुन्छ, यसपालिको आउदै गरेको निर्वाचनले दिएको जिम्मेबारीले मलाई अझ बढी परिपक्व बनाएको छ।”