असार २८ बाट हलहलमा "घरज्वाईं"आउने

तिलोत्तमा, असार २० गते २०८१। यहि असार २८ बाट हलहलमा नेपाली चलचित्र घरज्वाईं प्रदर्शन हुने पक्का भएको छ। तिलोत्तमा-३ योगिकुटीमा  नेपाली कथानक चलचित्र ‘घरज्वाइँ’ को भेटघाट तथा अन्तरक्रिया कार्यक्रममा सो बारे जानकारी गराइएको हो। 

कार्यक्रममा बोल्दै कलाकार खडक बहादुर पुन मगर(खबपु) ले चलचित्रको बारेमा स्पष्ट पारेका थिए । चलचित्रलाई परम्परागत कला सस्कृति तथा सामाजिक गतिविधीसँग जोडदै अगाडि लैजानुपर्नेमा उनले जोड दिए । घर ज्वाईं  का निर्माता जनक घर्ती मगरले चलचित्र रुकुमको तकसेरा गाउँमा   छायांकन भएको र चलचित्र असार २८ बाट प्रदर्शन हुने जानकारी दिएका हुन ।                

कार्यक्रममा नेपाल मगर सघं केन्द्रिय  समितिका  सहअध्यक्ष दलबहादुर बिरकटा , नेपाल मग्गर संघ केन्द्रीय समिती का उपाध्यक्ष  गिता थापा , नेपाल मगर सघं का महासचिव टेकबहादुर नाम्जाली मगर, नेपाल मगर चलचित्र  संघ का  केन्द्रिय अध्यक्ष  भिम राना,  लगायतको सहभागिता रहेको थियो । कार्यक्रम नेपाल मगर सघं रुपन्देहीका  उपाध्यक्ष  थर्क बहादुर बारघरेको अध्यक्षतामा र संघका सचीव इन्दु थापा मगरको संचालनमा  सम्पन्न भएको थियो ।