देश दौदाहामै रुवाएको परदेशी २, असोज २६ मा आउदै

तिलोत्तमा सिटी,असोज २१ गते।  भर्खर देश दौडाहा सकाएको परदेशी २ ले देशभरका कलेज स्कुल र विभिन्न कार्यक्रममा सहभागीलाई मन छुने गरि रुवायो। एक गीतिकथा लिएर पोख्त कलाकार लिएर हिडेको परदेशी २ ले हरेक कार्यक्रममा हरेक मान्छेलाई आँसु हत्केलाले पुछ्ने गरायो। फिल्मको प्रचार प्रसारको क्रममा सार्बजनिक स्कुल, कलेज , महायज्ञ, बजार , सडक, लागयतका ठाउँमा आफ्नो प्रस्तुति राख्दै हिडेको फिल्मले हरेक ठाउमा सो गीति कथा हेरेर रुने दर्शकको वास्तविक पिडा बुझ्यो।  

हरेक दिन करिव २ हजार युवा बिदेशिन परेको नमिठो तथ्यांकलाई मनमा राखेका नेपालीको मुटु भक्कनिएर सो कथामा पोखिएको छ। स्कुल कलेजको साथीहरु पढ्दा संगै बस्दा, छुटिदा र बैदेशिक यात्रामा निस्किदा तिनीहरुको मित्रता र पारिवारिक बाताबिकताले जो कोहीको मन रुवाउथ्यो। सानो बच्चा देखि कलेजका प्रोफेसर सम्मका आनका रसाएको सो गीतिकथाको कन्सेप्ट नै मनछुने छ। डान्स र अभिनयमा जमेका कलाकारको टिम सहित हिडेको परदेशी २ ले बसमै स्टिकर टाँसेर हिडेको छ। फिल्ममा समेत उत्कृस्ट कलाकारको तालमेल मिलाएको फिल्मले पहिलोपटक ठुलो पर्दामा प्रकास सपुतलाई लिएर आएको छ। 

आफ्नो फिल्मलाई दर्शकले यस अघिको फिल्मलाई भन्दा बेसी माया गरिदिने र सफल बनाउन सहयोग गर्नेमा ढुक्क छन् निर्माता तथा निर्देशक लोक तथा दोहोरीका बादशाह नारायण रायमाझी। फिल्म बनाउनुभन्दा ठूलो संघर्ष निर्माताले प्रचारमा गर्नुपर्छ । किनकि, प्रचारले नै फिल्मलाई दर्शकमाझ पुर्‍याउने हो । यसैले फिल्म रिलिजको संघारमा हुँदा निर्माताले प्रचारमा साम-दाम सबै प्रयोग गर्छन् । यही असोज २६ गतेबाट प्रदर्शनमा आउन लागेको फिल्म ‘परदेशी २’ले पनि प्रचारमा कुनै कसर छाडेको छैन । निर्माण टिमले हरेक उमेर समुहका दर्शकहरुमाझ पुग्ने प्रयास गरिरहेको छ ।

छमछमी सिजन–३ मा तृतीय तथा डान्सिङ वीथ स्टारमा दोस्रो बन्न सफल शेखर घर्ती, छमछमी सिजन ३ का फाइनालिस्ट तथा सुपर डान्सरको सेकेण्ड रनरअप रविता मगर, छमछमी सिजन–४ का सेमिफाइनालिष्ट पुष्प घिमिरे, छमछमी सिजन ४ को उपविजेता, मेरो डान्स यूनिभर्सको फाइनालिष्ट तथा वर्ल्ड डान्स लीग वीनर नेशन सुस्लिङ मगरसँगै थिएटर आर्टिस्टहरु सुजता बस्याल, विवेक खड्का, रारा ज्योती पोखरेल र निर्मल साउदले संयुक्त रुपमा कोरियोग्राम गरेको ड्रामा प्रस्तुत गरिएको थियो ।

फिल्मको कथामा गीति नाटक तयार पारेर काठमाडौं र मोफसलका विभिन्न कलेजहरुमा देखाइसकिएको छ । फिल्ममा प्रशान्त तामाङ, दीलिप रायमाझी, नीर शाह, रमा थपलिया, सबिन बास्तोला, देवेन्द्र बब्लु, रोशनी कार्कीको पनि अभिनय छ । रमेश बिजीले कथा एवं पटकथा लेखन रहेको फिल्मले अध्ययनका लागि विदेशिन बाध्य युवा र सन्तान विदेशिँदा बुढेसकाल लागेका आमाबुवाले भोग्ने पीडालाई प्रस्तुत गर्छ । राजेश वंशल र निर्देशक रायमाझीले संयुक्त रुपमा फिल्मको निर्माण गरेका हुन् ।