३७ औं झरना रनिङ शिल्ड, चौथो दिनको खेलमा भुपु सैनिक जवई विजयी

कुञ्जलापुर। ३७ औं झरना रनिङ शिल्ड फुटवल प्रतियोगिताको पहिलो चरणको अन्तिम खेलमा भुपु सैनिक जवई स्र्पोट्स क्लब विजयी भएको छ । तिलोत्तमा वडा न ६ कुन्जालापुरस्थित उमा आधारभूत विद्यालयको खेल मैदानमा जारी प्रतियोगिताको शनिबार सम्पन्न खेलमा बलियो मानिएको फर्साटिकर युवा क्लब फर्साटिकरलाई शुन्यका विरुद्ध ४ गोलले हराउदै भुपु सैनिक दोस्रो चरणमा प्रवेश गरेको क्वलका सचिव मोहनसिंह रानाले बताए ।

भुपु सैनिकको जीतमा विश्वास श्रेष्ठले ह्यार्टिक गरे भने अनिल खड्काले १ गोल गरे । प्रतियोगितामा हार्टिक गरेका विश्वास श्रेष्ठ म्यान अफ दी म्याच भए । प्रतियोगितामा आइतबारको पहिलो क्वाटरफाइनल खेल योंग स्टार क्लव मडाहा र  वि पी कोइराला स्र्पोट्स क्लव भिड्नेछन । स्व.युवा खेलाडी अंकित पुनको स्मृतिमा आयोजना गरिएको ३७ औं झरना रनिङ शिल्ड नकआउट फुटबल प्रतियोगिता भदौ २६ गतेदेखि शुरु गर्ने भनिएपनि परिस्थितिवस आश्विन १ गतेबाट शुरुवात गरिएको हो । आश्विन १३ गतेसम्म चल्ने प्रतियोगितामा कुल १२ टोलीले सहभागिता जनाएका छन । प्रतियोगिताको विजेताले ३ लाख ४१ हजार रुपैयाँसहित ट्रफी, मेडल र प्रमाणपत्र प्राप्त गर्ने खेल संयोजक विजय पुनले बताए । यस्तै दोस्रो हुनेले १ लाख ८६ हजारसहित ट्रफी, मेडल र प्रमाण पत्र पाउनेछ ।

प्रतियोगिताको सेमीफाइनल खेल्ने दुवै टिमलाई ३० हजार प्रदान गरिने खेल संयोजक पुनले बताए । त्यस्तै, विधागततर्फ सर्वोत्कृष्ट खेलाडीले १५ हजार, बेष्ट डिफेन्स, बेष्ट मिडफिल्डर, बेष्ट स्ट्राइकर, बेष्ट गोलकिपर तथा बेष्ट कोचले क्रमश १०/१० हजार पाउनेछन् भने खेल अवधिभर हरेक दिनको म्यान अफ द म्याचले नगदसहित ट्रफी पाउने अध्यक्ष धनेन्द्र पौडेलले बताए । खेल हेर्नका लागि यसपटक १०० रुपैयाँ टिकट शुल्क तय गरिएको छ भने सेमीफाइनल र फाइनलका लागी रु २०० तय गरिएको छ । यसैगरि बृद्ध बृद्धा, महिला र फरक क्षमता भएका दर्शकहरुलाई प्रवेश निशुल्क गरिएको छ । यसैबीच कोटिहवामा जारी लिस्नु युवाद्धारा आयोजित लिस्नु फुटवल प्रतियोगिताको फाइनलमा आइतबार फर्साटिकर युवा क्लब तथा अन्चलपुर भैरहवा भिड्दैछन । यो खेल दिउँसो ठिक ३ बजेबाट पशुपति माविको खेल मैदान तिलोत्तमा १५ कोटिहवामा हुनेछ ।