उदयिमान फुटबल खेलाडी निशान न्यौपानेको स्कुटर दुर्घटनामा मृत्यु

तिलोत्तमा, मङ्सिर २५ गते २०८१। कपिलवस्तुका चर्चित फुटबल खेलाडी निशान न्यौपानेको सोमबार राति स्कुटर दुर्घटनामा निधन भएको छ। जिल्ला ट्राफिक प्रहरी कार्यालय कपिलवस्तुको अनुसार, न्यौपाने लु ३२ प ३०१ नम्बरको स्कुटरमा बनगाईबाट बनकसियातर्फ जाँदै गर्दा अनियन्त्रित भई सडक किनारमा रहेको बिजुली पोलमा ठोक्किएका थिए।गम्भीर घाइते भएका न्यौपानेको उपचारका क्रममा मंगलबार बिहान साढे ५ बजेतिर लुम्बिनी प्रादेशिक अस्पतालमा मृत्यु भएको जानकारी प्राप्त भएको छ।उनी कपिलवस्तुमा सञ्चालित राष्ट्रिय मेला अवलोकन गरेर घर फर्किन लागेका थिए।

न्यौपाने लामो समयदेखि एन्फा एकेडेमीको कप्तान थिए र उनले नेपालमा आयोजना हुने ए डिभिजन लिगमा उत्कृष्ट प्रदर्शन गर्दै आएका थिए। फुटबलमा उनको योगदान र खेलप्रतिको समर्पणले उनलाई स्थानिय र राष्ट्रिय स्तरमा प्रसिद्ध बनाएको थियो।निकटका स्रोतका अनुसार उनको स्कुटर दुर्घटना परि २२ वर्षको उमेर मै निधन भएको हो । दुर्घट्नामा परेपछि उनलाई उपचारका लागि अस्पताल लग्दा मृत्यु भएको बताइएको छ ।बुटवलमा रहेको एन्फा एकेडेमीको उत्पादन समेत रहेका निशानले लामो समय एकेडेमी मै रहेर पनि फुटबल खेलेका थिए । रुपन्देही लगायत आसपासका जिल्लाहरुमा नियमित फुटबल खेल्दै आएका उनले हालै रुपन्देहीमा सम्पन्न तेस्रो समपुर्ण कपको फाइनल समेत खेलेका थिए ।