लुम्बिनी फ्रिडम मिडिया प्रा.लि द्वारा संचालित
२०७८ माघ २१, तिलोत्तमा सिटी। महिला भलिबल च्याम्पियनशिपका विजेता राष्ट्रिय महिला भलिबल टोलीलाई आज सम्मान तथा पुरस्कार वितरण गरेको छ । भलिबल टोलीले राष्ट्रको गौरव बढाएको भन्दै सरकारले कदर गर्दै पुरस्कार वितरण तथा सम्मान प्रदान गरेको छ। सरकारले एसिएन सेन्ट्रल जोन महिला भलिबलका टोलीका १२ खेलाडीलाई जनही पाँच लाख, प्रमुख प्रशिक्षक र प्रशिक्षकलाई तीन–तीन लाख तथा टोली व्यवस्थापकलाई दुई लाख रुपैयाँ प्रदान गरेको छ । यस कार्यक्रममा देउवाले विश्व ब्याडमिन्टन महासङ्घको पुरुष जुनियर एकलतर्फ विश्व वरीयताको शीर्ष स्थानमा पर्न सफल भएका प्रिन्स दाहाललाई पनि बधाई दिनुभयो ।
प्रधानमन्त्री निवास बालुवाटारमा आयोजित कार्यक्रममा प्रधानमन्त्री देउवाले राष्ट्रिय महिला भलिबल टोलीका खेलाडी, प्रशिक्षक र व्यवस्थापकलाई नगदसहित सम्मान गर्नुभएको हो । सम्मानित हुने अन्यमा टोलीको मुख्य प्रशिक्षक जगदीशप्रसाद भट्ट र प्रशिक्षक भरत यादव तथा व्यवस्थापक ज्योति केसी छन् । भलिबल प्रतियोगिता बङ्गलादेशको राजधानी ढाकामा गएकाे पुस ६ देखि १६ गतेसम्म सञ्चालन भएको थियो।
कमेन्ट गर्नुहोस्