दीप ज्योति साकोस शंकरनगरको १८औं वार्षिक साधारण सभा सम्पन्न

तिलोत्तमा,असोज १७ गते। दीप ज्योति बचत तथा ऋण सहकारी संस्था लिमिटेडको १८औं वार्षिक साधारण सभा सम्पन्न भएको छ । बिहिबार  तिलोत्तमाको बनबाटिकामा भएको सभाले आर्थिक वर्ष ०८०/८१  असार मसान्त सम्मको संस्थाको आर्थिक गतिविधि लेखापरिक्षण प्रतिवेदन सर्वसम्मतले पास गरेको हो ।कार्यक्रमको प्रमुख अतिथि तिलोत्तमा नगरपालिका वडा नम्बर-१ का अध्यक्ष फर्सुराम गिरिले सहकारीको मापदण्ड र लक्ष्य प्राप्तिका लागि सहकारी ऐनलाई मर्यादित रुपमा कार्यान्वयन गर्न सबै सहकारीहरुलाई आग्रह गर्दै प्रचलित सहकारी नियमानुसार भन्दा बढि व्याज नलिन आग्रह गरे । उनले दीप ज्योति बचत तथा ऋण सहकारीले गरेको सफलतालाई धन्यवाद दिंदै आगामी दिनमा सञ्चालक, शेयर सदस्य र कर्मचारी तीनै पाटालाई समेटेर अझ उत्कृष्ठ सफलता हासिल गर्न र सामाजिक कार्यमा अझ प्रगतीमा जुट्न आग्रह गर्दै संस्थाप्रती शुभकामना व्यक्त गरे ।

सभामा सञ्चालक समितिको तर्फबाट संस्थाका अध्यक्ष हुमनाथ पाण्डेले आर्थिक वर्ष ०८०/८१ को प्रतिवेदन प्रस्तुत गर्दै संस्थाले प्रदान गर्ने सेवा सुविधालाई प्रयोग गर्न र समयमै बचत तथा ऋण ब्याज बुझाउन सबैमा आग्रह गरे । कार्यक्रममा संस्थाका कोषाध्यक्ष नारायण प्रसाद पाण्डेयले आर्थिक प्रतिबेदन, लेखा समिति संयोजक कृष्ण प्रसाद भण्डारीले लेखा समितिको प्रतिबेदन प्रस्तुत गरेका थिए ।

संस्थाले आफ्ना शेयर सदस्यका सामुदायिक बिद्यालयमा अध्ययनरत प्लस टुमा सर्वोकृष्ट नतिजा ल्याउने २ जना विद्यार्थीलाई सम्मान गरिएको थियो । साथै संस्थामा असल कारोबारी, शेयर वृद्धि गर्ने सदस्य तथा शेयरधनीहरुलाई प्रमाणपत्रसहित सम्मान गरिएको थियो । कार्यक्रममा बोल्दै तिलोत्तमा नगरपालिका आर्थिक बिकास शाखा प्रमुख कृष्ण प्रसाद पाण्डे, संस्थाका बरिष्ठ सल्लाहकार दधिराम गौतम, सल्लाहकार रमेश बस्याल, मनिराम भट्टराई, दुर्गा प्रसाद न्यौपाने लागायतकाले बोल्दै संस्थाको आर्थिक तथा सामाजिक प्रगतिको शुभकामना दिएका थिए। संस्थाका उपाध्यक्ष सन्दिप भट्टराईको स्वागतमा शुरु सो साधारण सभाको संचालन सचिव ललिता क्षेत्रीले गरेकी थिइन्।