लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी,१० पौष २०७८। बुटवलमा रहेको सवारी चालक अनुमती पत्र(लाईसेन्स) कार्यालयले चालु आर्थिक बर्षको पहिलो चौमासिकमा ७ हजार सवारीचालक अनुमती पत्र बितरण गरेको छ ।केही समय देखि बुटवलमा नै अस्थायी प्रकृतिको परिक्षणकालिन सवारीचालक अनुमती पत्र प्रदान गर्दै आएको कार्यालयले मंसिर महिना सम्ममा ७ हजार ९ सय ४१ वटा नयाँ सवारी चालक अनुमति पत्र प्रदान गर्न सफल भएको हो । यातायात कार्यालय (सवारी)का प्रमुख तेजनारायण यादवले चालु आर्थिक बर्षको मंसिर महिना सम्ममा उक्त कार्यालयले २२ हजार ४ सय १६ जनाको सवारीचालक अनुमती पत्रको बयोमेट्रिक दर्ता गरिएको छ ।
यस्तै सोही अवधीमा १७ हजार ६ सय ६३ जनाको सवारी चालक अनमुती पत्र नविकरण गरिएको छ भने ८ सय ४५ जनाको नविकरण र प्रतिलिपि प्रदान गरिएको छ । कार्यालय प्रमुख यादवका अनुसार ७ हजार ९ सय ४१ वटा नयाँ सवारी चालक अनुमती पत्र समेत जारी गरिएको छ ।कार्यालयले २० हजार ३७ वटा थप वर्ग सहितको सवारीचालक अनुमती पत्र जारी गरेको छ । यस्तै २७ हजार २ सय ४६ जनाको लिखित परिक्षा लिइएकोमा हाल सम्म २५ हजार ८ सय ५० जनाको ट्रायल समेत लिईसकीएको छ ।यातायात कार्यालय बुटवलमा ३० हजार भन्दा बढि सवारी चालक अनुमती पत्र प्रीन्ट भएर विभागबाट आएको भएपनि सम्बन्धीत व्याक्तिहरु समक्ष जानकारी नहुँदा यत्तीकै थन्कीएर बसेका थिए ।
सोही अनुसार हाल का कार्यालय प्रमुख तेज नारयाण यादवले एक जना कर्मचारीलाई नै व्यवस्थापन गरी सम्बन्धीत ग्राहकको फोन नम्बरमा सम्पर्क गरी लाईसेन्स लिन आउनको लागि खबर गर्ने गरेका छन् । कार्यालय प्रमुख यादव भन्छन्–‘३० हजार भन्दा बढि प्रिन्ट भएर बसेका थिए, हामी यहीबाट कल गरेर लिन आउने भनेका छौ, दैनिक ५ सय जनालाई कल जान्छ, अहिले जम्मा ६ हजार यस्तै बाँकी होलान् ।’हाल कार्यालयले नयाँ वर्गको तर्फ प्रयोगात्मक परिक्षामा उत्र्तीण भएकाहरुको लागि राजश्व दाखेला गरेकै दिन परिक्षणकालिन लाईसेन्स वितरण गर्दै आएको छ ।यस्तै ३ बर्ष देखि स्मार्ट लाइसेन्स कार्ड पिन्ट नभएको भनिएका छुट भएकाहरुको छुट्टै लिष्ट तयार गरी विभागमा पठाउने तयारी समेत गरेको छ । यस्तै सेवा ग्राहीहरुको मागलाई मध्यनजर गर्दै विहान ८ बजे देखि नै बायोमेट्रिकको दर्ता हुने व्यवस्था अहिले यातायात कार्यालयमा रहेको छ ।
कमेन्ट गर्नुहोस्