लायन्समा बढ्यो चुनावी सरगर्मि, गर्भनर पदमा उमङ्ग देवकोटाको उम्मेद्धवारी

तिलोत्तमा सिटी,माघ २९ गते २०७८। स्थानीय निर्वाचनले पछिल्लो समय देशको माहोल तात्दै गर्दा लायन्स अन्तराष्ट्रियमा चुनावी सरगर्मी बढेको छ । सरकारले आगामी बर्ष बैशाखमा स्थानीय निर्वाचनको मिती तय गरेको छ । लायन्स अन्तारष्ट्रि जिल्ला ३२५ को फाल्गुन ७ मा हुने निर्वाचनले लायन्समा चुनावी सरगर्मि बढेको हो । लायन्स अन्तराष्ट्रिय ३२५ बी बहुबिभाजित भएपछि बनेको लायन्स जिल्ला ३२५ पि को लागी आगामी नेतृत्वमा उमङ्ग देवकोटाले डिष्ट्रिक गर्भनर पदमा उम्मेद्धवारी दर्ता गरे सँगै यतिबेला निर्वाचनको सरगर्मि झन बढेको हो ।

लायन्स  अन्तरास्ट्रिय डिस्ट्रिक ३२५ पी को गभर्नर पदका निम्ति लायन्स क्लव अफ लुम्बिनीका पुर्व अध्यक्ष समेत रहेका उमंग देवकोटाले डिष्ट्रिक गर्भनर पदमा उम्मेद्धवारी दर्ता गरेका छन् । उनले एक समारोहका बीच हिजो भैरहवामा निर्वाचन मनोनयन  समितिका सदस्यलाई मनोनयन निवेदन बुझाउदै गभर्नर पदमा उमेद्वारी मनोयन दर्ता गरेका हुन ।लायन्स जिल्ला ३२५ बी २ का एरिया ४ चिफ जिवन गौतमको अध्यक्षतामा भएको कार्यक्रममा उनले गर्भनर पदमा उम्मेद्धवारी दर्ता गरेका हुन । उम्मेद्धवारी दर्ताको क्रममा यस क्षेत्रका विभिन्न लायन्स क्लबका अध्यक्षहरुको समेत उपस्थिति रहेको थियो । पछिल्लो समय लायन्स जिल्ला परिषद ३२५ बी २ का विभिन्न पदमा रहेर अनुभव सम्हालेका उनको उम्मेद्धवारीलाई यस क्षेत्रका लायन्स क्लवहरुले बिशेष महत्वका साथ हेरेका छन् । 

 लायन बर्ष २०२२ -०२३ का निम्ति डिस्ट्रिक ३२५ पी का लागि ३ पदमा उमेद्वारहरुले मनोनयन दर्ता गरेका छन् । देशभर रहेका ४ डिस्ट्रिक मध्ये डिस्ट्रिक ३२५ बि २ पुन बहुविभाजन भइ रुपन्देही, पाल्पा, नवलपरासी, कपिलबस्तु र काठमान्डौका केहि क्लबहरु समवेश हुदै डिस्ट्रिक ३२५ पी बनेको छ ।लायन्स डिस्ट्रिक ३२५ पी मा गभर्नर पदमा २ जनाको उमेद्वारी परेको छ । दोश्रो भाइस डिस्ट्रिक गभर्नरमा ४ जनाको उमेद्वारी परेको भने प्रथम भाइस डिस्ट्रिक गभर्नर पदमा अर्जुन मान सैजुको मात्र उम्मेद्वारी परेको निर्बाचन मनोनयन समितिका सदस्य महेश चन्द्र थापाले बताउनु भयो । 

डिस्ट्रिक गभर्नर पदमा उमंग देवकोटासँग नवराज न्यौपानेले प्रतिस्पर्धा गर्ने भएका छन् । यस्तै द्धितिय भाइस डिस्ट्रिक गभर्नर पदमा पाल्पाका सुशील प्रधान, काठमान्डौ क्षेत्रका कुश मल्लि, बुटवल क्षेत्रका बालाराम भट्टराई र पुरुषोत्तम प्राधानंगका विच प्रतिस्पर्धा हुने भएको छ ।  

लायन्समा पुर्ब गभर्नर तथा नेतृत्वले बिगतमा आफुहरुले गरेका सहमति इमान्दारीता पूर्वक पालना नगरेकाले  गभर्नर पदमा निर्वाचन हुने मतदाताहरु बताउछन । सहमति हुदा मतदान गर्न नपाएका मतदाताहरुभने मतदान गर्न उत्सुक देखिएका छन । मतदान डिस्ट्रिक ३२५ बि २ को  १०औ महाधिवेसनमा यहि फल्गुन ७ गते चितवनमा हुदैछ ।