सिटिजन्स बैंक सेमरा शाखाले एटीएम सेवा सुरु गर्यो

१३ साउन, तिलोत्तमा। सिटिजन्स इन्टरनेशनल बैंक लिमिटेडको सेमरा शाखाले एटीएम सेवा सुरु गरेको छ । रुपन्देहीको तिलोत्तमा नगरपालिका–७ सेमरा बजारस्थित बैंकको सेमरा शाखाले बिहीबारदेखि एटीएम सेवा शुभारम्भ गरेको हो । यो एटीएम बैंकको १४७ औं भएको बैंकले जनाएको छ ।

एटीएम सेवाको एक कार्यक्रमकाबीच बैंकका लुम्बिनी प्रदेश प्रमुख प्रदीप कुमार श्रेष्ठले उद्घाटन गरेका छन् । सो अवसरमा बोल्दै प्रदेश प्रमुख श्रेष्ठले एटीएम सेवाबाट ग्राहक लाभान्वित हुने विश्वास व्यक्त गरे । बैंकका कलस्टर हेड कपिल पोखरेलले बैंकले बचतमा उच्चतम ब्याजदर तथा कर्जा प्रवाह सेवाका लागि ३ दिनमा निर्णय दिने बताए । बैंकका सेमरा शाखा प्रबन्धक एकनारायण अर्यालले सेमरा शाखामा हाल ११ हजार बढी ग्राहकहरु रहेको बताए । उनले उनले लुम्बिनी प्रदेशमा ५१ वटा शाखामार्फत सिटिजन्स बैंक इन्टरनेशनल बैंक लिमिटेड सेवा प्रवाह गर्दै आएको बताए ।

एटीएम सेवा शुभारम्भ कार्यक्रममा बैंकका प्रदेश प्रमुख श्रेष्ठ, कलस्टर हेड कपिल पोखरेल, सेमरा शाखा प्रबन्धक एकनारायण अर्याल, बैंकका कर्मचारीलगायतको उपस्थिति रहेको थियो । सिटिजन्स बैंक इन्टरनेशनल बैंक लिमिटेडले १८८ वटा शाखामार्फत सेवा प्रवाह गर्दै आएको जनाएको छ ।