उत्पादन क्षेत्रमा लगानी बढाउन आग्रह: जनउत्थानको १० वटा शाखामा वार्षिकोत्सव

तिलोत्तमा सिटी,३ पौष २०७८।  सहकारी क्षेत्रमा एउटा छुट्टै पहिचान बनाउन सफल जनउत्थान बचत तथा ऋण सहकारी संस्था लिमिटेडले आफ्नो १६ औं वार्षिकोत्सव मनाएको छ । मुख्य कार्यालय रुपन्देहीको तिलोत्तमा १५ कोटिहवामा रहेको संस्थाको मुख्य कार्यालय सहित १० वटै सेवाकेन्द्रबाट विभिन्न कार्यक्रमहरु गर्दै वार्षिकोत्सव मनाइएको हो । त्यस्तै ओमसतिया-१ ठुटिपिपलमा अवस्थित सहकारीको पटाकसार सेवा केन्द्रले पनि जेष्ठ शेयर सदस्य सम्मान, गरीब तथाजेहेन्दार विद्यार्थीहरुलाई छात्रवृति वितरण, बाख्रा पालनका लागि निर्व्याज ऋण वितरण लगायतका विभिन्न सामाजिक कार्यक्रमहरु गर्दै वार्षिकोत्सव मनाएको छ ।

कार्यक्रममा बोल्दै प्रमुख अतिथि ओमसतिया गाउँपालिका वडा नम्बर १ का वडा अध्यक्ष बेल बहादुर बरालले सहकारीले प्रदान गर्ने सेवा प्रसंसायोग्य रहेको बताए । उनले सानो पुँजीबाट उद्यम गर्न चाहनेहरुका लागि यस सहकारीले महत्वपूर्ण भुमिका खेलेको बताउदै थप उत्पादनमुलक क्षेत्रमा लगानी बढाउन आग्रह गरे ।त्यस्तै विशिष्ट अतिथि तथा जनउत्थान साकोसका सल्लाहकार यम बहादुर थापाले साकोसका कार्मचारी र उनीहरुको मिहिनेतको प्रशंसा गर्दै जनउत्थान रुपन्देहीमा मात्रै नभई देशभरिमा नै एक उत्कृष्ट सहकारी रहेको दावी गरे । उनले साकोसलाई अब्बल बनाउन कर्मचारीहरुको अथक प्रयास र शेयर सदस्यहरुको ठुलो साथ र सहयोग रहेको बताए।सुनिता चौधरीको संचालन तथा परामर्श कार्यदल संयोजक भुम बहादुर रेश्मीको स्वागत मन्तव्य रहेको कार्यक्रममा पटाकसार सेवा केन्द्र व्यवस्थापन उपसमिति सदस्य झविलाल थापा, दिपक सिंह थापा लगायतले बोलेका थिए ।

त्यस्तै सहकारीको केन्द्रिय कार्यालयमा सम्पान्ना बार्षिकोत्सब समारोह पनि भब्य रुपमा सम्पन्न भएको छ।  कोटिहवा स्थित मगर भवनमा सम्पन्न सो बार्षिकोत्सबमा स्वागत मन्तव्य परामर्श कार्यदल संयोजक टिकाराम पाण्डेको स्वागत रहेको थियो भने सिस्टर क्लब संयोजक केश कुमारी लुईटेलको संचालन रहेको थियो। केन्द्रीय व्यवस्थापन उपसमिति संयोजक निल प्रसाद पुनको अध्यक्षता तथा तिलोत्तमा नगरपालिका वडा न १५ अध्यक्ष खेम राज गुरुङको प्रमुख आतिथ्यतामा सम्पन्न कार्यक्रममा प्रमुख अतिथि गुरुङ संगै, तिलोत्तमा वडा न १३ का अध्यक्ष गणेश न्यौपाने , वडा न १६ का अध्यक्ष झविलाल भुसाल , जनउत्थान साकोसका संस्थापक अध्यक्ष तथा सल्लाहकार मेख राज पुन , सल्लाहकार इश्वर चन्द्र पोख्रेल , सल्लाहकार खिम कुमारी राना लगायतले बोल्दै सहकारीले उत्पादन मुलक लगानीलाई प्राथमिकता दिनुपर्ने बताएका थिए।  सो अवसरमा सहकारीबाट लगानी कर्जा लिएर बाख्रा पालन गर्ने बाख्रापालक लाई २ वर्षको लागि दश/दश हजार निर्व्याज रिन दिइएको थियो भने ५ जना गरिब तथा जेहेन्दार बिद्यार्थीलाई छात्रवृत्ति पाच /पाचहजार , कपि, प्रमाण पत्र दिइएको थियो।  त्यस्तै जेष्ठ नागरिक ११५ जना लाई सहकारी द्वारा सम्मान समेत गरिएको थियो।

जनउत्थान सहकारीको बारेमा :

सहकारी क्षेत्रमा अग्र स्थानमा रहेको यस संस्थाको व्यवस्थापन पक्ष निकै बलियो छ । लामो समयदेखि बैकिङ्ग क्षेत्रमा कार्य गरि सकेका दक्ष र अनुभवी व्यक्तिहरु संलग्न रहेका यस संस्थाले सामाजिक र आर्थिक सबलीकरणका लागि विभिन्न किसिमका सेवामुलक कामहरु गर्दै आएको छ ।३० हजार ७ सय ९२ शेयर सदस्य रहेका संस्थाको कुल शेयर पूँजी २ अर्व ७३ करोड ७१ लाख रहेको छ । त्यस्तै सहकारीले २ अर्व ३५ करोड ५१ लाख ऋण लगानी गरेको छ । त्यस्तै ३ हजार ४ सय १ शेयर सदस्य रहेका पटाकसार सेवा केन्द्रको मात्रै कुल शेयर पूँजी ३९ करोड, ३५ लाख छ भने ३८ करोड ४७ लाख ऋण लगानी छ ।संस्थाले आफ्नो सदस्यहरुलाई विविध व्यापार, व्यवसाय सञ्चालन गर्न धन जमानत अथवा धितोको आधारमा उचित तथा संभावित परियोजना सञ्चालनार्थ सरल व्याजदरमा कर्जा उपलब्ध गराउँदै आएको छ । संस्थाले कृषि उत्पादन, तरकारी खेती, पशुपालन, कुखुरा पालन आदिका लागि सदस्यहरुलाई कृषि कर्जाको समेत व्यवस्था गरेको छ ।संस्थाले ब्याज उठाएर बढी नाफा गर्ने भन्दा पनि शेयर सदस्यको जिवनस्तर उकास्ने योजनाले काम गर्ने गर्छ । अहिले यो सहकारी मुलुककै उत्कृष्ट सहकारी बनेको छ। रुपन्देही जिल्लाको सहकारीहरुमध्ये सबैभन्दा धेरै कर तिर्ने सहकारी पनि बनेको छ ।